உலகின் 40 நாடுகளில் கடந்த 30 வருடங்களாக ஹிட் அடித்து வரும் ஒரு ஷோ தான் மாஸ்டர் செஃப். பத்து வருடங்களுக்கு முன்பே இந்தியாவிற்கு மாஸ்டர் செஃப் நிகழ்ச்சி வந்தாலும் தமிழுக்கு இப்போதுதான் முதல் முறை வருகிறது. இந்தியாவில் ஆரம்பிக்கப்பட்ட முதல் ஷோவில் அக்ஷய்குமார் ஒரு நடுவராக கலந்துகொண்டு நிகழ்ச்சியை மக்களுக்கு சென்று சேர்த்தார். அதன் வெற்றியைத் தொடர்ந்து பல சீசன்களாக இந்த நிகழ்ச்சி இந்தியில் நடந்து வருகிறது. இப்போது சன் டிவியில் முதல்முறையாக தமிழில் இந்த ஷோ நடக்கவிருக்கிறது. இதனை விஜய் சேதுபதி தொகுத்து வழங்குகிறார். தமிழ்நாட்டு மக்களுக்கு நன்கு பரிச்சயமான விஜய் சேதுபதியால் இந்த நிகழ்ச்சியும் பட்டிதொட்டியெங்கும் ஹிட்டடிக்கும் என்பது நிச்சயம். இந்த நிகழ்ச்சிக்கான இறுதிகட்ட ஆடிஷன் ஏப்ரல் 15ஆம் தேதி சென்னை வேல்ஸ் பிலிம் இன்ஸ்டியூட்டில் நடைபெற்றது. தமிழ்நாடு முழுக்க தேர்வான 1,000 நபர்களை சென்னைக்கு வரவழைத்து, மூன்று சுற்றுகள் நடத்தி, அதிலிருந்து 60 நபர்களை தேர்ந்தெடுத்திருக்கிறார்கள். அவர்கள் யார் என்பதை அறிவித்து, அடுத்தடுத்த எபிசோடுகளை ஆரம்பிக்க வேண்டிய வேலைதான் மிச்சம். தமிழ்நாட்டில் ஊரடங்கு போட்டிருப்பதால் இதன் படப்பிடிப்பை நடத்த சிரமமாக உள்ளது. அதனால் எதிர்பார்க்கப்பட்ட மாதத்திலிருந்து சற்று தாமதமாகவே இந்த நிகழ்ச்சி ஆரம்பமாக இருக்கிறது. விரைவில் சன் டிவியில் வெளிவரும் இந்த நிகழ்ச்சியை பற்றிய எதிர்பார்ப்பு இப்போதே மக்களிடம் கிளம்பியிருக்கிறது. தமிழ்நாட்டில் சமையல் நிகழ்ச்சி என்றால் நமக்கு உடனே ஞாபகத்துக்கு வரும் ஷோ, சமீபத்தில் ஹிட்டான குக் வித் கோமாளி. குக் வித் கோமாளி நிகழ்ச்சிக்கும் மாஸ்டர் செப் நிகழ்ச்சிக்கும் என்னென்ன வித்தியாசங்கள் இருக்கிறது என்பதைப் பார்க்கலாம்.
Also Read – நீங்க குக் வித் கோமாளிக்கு எவ்வளவு பெரிய ரசிகர்… தெரிஞ்சுக்கலாமா?!
[zombify_post]
